նախընտրելի դարձնելՄոսկվայում Ադրբեջանի դեսպանատունը բողոքի երկրորդ նոտան է հանձնել Ռուսաստանի ԱԳՆ-ին, հայտնում է ադրբեջանական Lider հեռուստաալիքը։
Կրկնակի բողոքի նոտան ուղարկվել է այն կապակցությամբ, որ Մոսկվայի Բիրյուլեւո շրջանում մոսկվացի Եգոր Շչերբակովի սպանության կասկածյալ Օրհան Զեյնալովի հետ ադրբեջանցի դիվանագետների հանդիպման համար պայմաններ չէին ստեղծվել։
Համապատասխան նամակ է ուղարկվել նաեւ ՌՔԿ ղեկավար Ալեքսանդր Բաստրիկինին, հայտնում է «Ինտերֆաքսը»։
Հիշեցնենք, որ բողոքի առաջին նոտան Ռուսաստանի ԱԳՆ-ին հանձնվել էր հոկտեմբերի 17-ին՝ Օրհան Զեյնալովի իրավունքների ոտնահարման հետ կապված։ Հոկտեմբերի 17-ին Զեյնալովին դատարանի որոշմամբ մինչեւ դեկտեմբերի 10-ը կալանքի տակ էին վերցրել։
Դատարանում Զեյնալովը հրաժարվել էր Շչերբակովի սպանության խոստովանական ցուցմունքներից, որոնք տվել էր նախկինում։
