Աֆղանստանում իրավիճակը վատթարանում է, եւ ենթադրվում է, որ ՆԱՏՕ-ի զորքերը դուրս բերելուց հետո  ավելի կվատթարանա: Այս մասին հոկտեմբերի 21-ին կազմակերպված տեսակամուրջի ընթացքում  հայտարարել է ՀԱՊԿ գլխավոր քարտուղար Նիկոլայ Բորդյուժան` խոսելով   Աֆղանստանից ՆԱՏՕ-ի զորքերը դուրս բերելու վտանգների մասին: 

Ըստ նրա համոզման`  ՀԱՊԿ անդամ երկրների փորձագետների գնահատականները հանգում են նրան, որ անկայունությունն Աֆղանստանում  միայն կաճի: «Բնականաբար, այդ անկայունությունը կազդի ՀԱՊԿ բոլոր անդամ երկրների վրա: Մեզ շատ է անհանգստացնում Աֆղանստանի տարածքում գրոհայինների պատրաստումը: Մենք տեսնում ենք` ինչ է կատարվում Սրիայում: Ես չեմ բացառում, որ որոշ ժամանակ անց մեր պետությունների քաղաքացիներից այդ ճամբարներում պատրաստված գրոհայինները  իրավիճակի ապակայունացման փորձեր անեն հենց հայրենիքում», - մտահոգություն է հայտնել Նիկոլայ Բորդյուժան, ընդգծելով, որ  ներկայումս  անհրաժեշտ է քայլեր  ձեռնարկել` իրադարձությունների նման զարգացում թույլ չտալու համար:

Լուսանկարը՝ Արսեն Սարգսյանի / NEWS.am