նախընտրելի դարձնել
ԱՄՆ-ում մեկ օրվա մեջ երկու բանտարկյալների են մահապատժի ենթարկել՝ Ֆլորիդայում եւ Թեքսասում:
Ֆլորիդայի բանտում նոյեմբերի 12-ի երեկոյան մահապատժի է ենթարկվել 40-ամյա Դարիուս Քիմբրոն: Հանցագործի զոհի հարազատները հետեւել են մահապատժին: Զոհին հանցագործը բռնաբարել եւ սպանել էր: Զոհի մայրը մամուլի ասուլիսում հայտարարել է, որ հանցագործը նման խաղաղ եւ հանգիստ մահվան արժանի չէր:
Քիմբրոն մահապատժի դատապարտվել էր 1994թ.՝ դրանից երեք տարի առաջ գործած հանցանքի համար:
1991թ. 18-ամյա Քիմբրոն ներխուժել էր 28-ամյա կնոջ բնակարան եւ հարձակվել նրա վրա: Կինը հաջորդ օրը ստացած վնասվածքներից վախճանվել էր հիվանդանոցում: Կալանավորը կալանավորվել էր միայն 1992թ.՝ երկրորդ բռնաբարությունից հետո, հայտնում է lenta.ru-ն:
Երկրորդ մահապատիժն իրագործվել է Հանթսվիլում (Թեքսաս):
Այնտեղ մահապատժի էին ենթարկել 49-ամյա Ջեյմի Մաքքոսքիին (Jamie McCoskey), որը Հյուսթոնում 1991թ. առեւանգել էր երիտասարդ զույգի: Տղամարդուն սպանել էր, իսկ կնոջը՝ բռնաբարել:
ԱՄՆ-ում ընթացիկ տարում արդեն 34 մահապատիժ է իրագործվել:
