նախընտրելի դարձնել
«ՎԱԶ 2102» մակնիշի ավտոմեքենայի վարորդը նոյեմբերի 19-ին, ժամը 12.30-ի սահմաններում, Վայքի Շահումյան փողոցի թիվ 25 շենքի մոտ վրաերթի է ենթարկել 6-ամյա տղայի եւ նրան տեղափոխել հիվանդանոց:
Ոստիկանության լրատվության վարչությունից հայտնում են, թե նոյեմբերի 19-ին, ժամը 12.30-ի սահմաններում, «Օպել Վեկտրա» մակնիշի ավտոմեքենան Տաշիր-Ստեփանավան ճանապարհի 6-րդ կմ-ին բախվել է «Ֆորդ Տրանզիտ» մակնիշի ավտոմեքենայի:
«Օպել Վեկտրա»-ի վարորդը եւ 2 ուղեւորները մարմնական վնասվածքներով տեղափոխվել են հիվանդանոց:
Նոյեմբերի 19-ին, ժամը 13.30-ի սահմաններում, «ՎԱԶ-2106» մակնիշի ավտոմեքենան Աշտարակ-Էջմիածին ճանապարհի 10-րդ կմ-ին դուրս է եկել երթեւեկելի մասից եւ հարվածել ճամփեզրի հողաթմբին:
Վարորդը մարմնական վնասվածքներով տեղափոխվել է հիվանդանոց:
Նոյեմբերի 19-ին, ժամը 19.30-ի սահմաններում, «ՈՒԱԶ-452» մակնիշի ավտոմեքենան Երեւան-Սեւան-Իջեւան ճանապարհի 87-րդ կմ-ին դուրս է եկել ճանապարհի երթեւեկելի մասից եւ կողաշրջվել, ինչի հետեւանքով ուղեւորը մարմնական վնասվածքներով տեղափոխվել է Դիլիջանի «Վ.Ավանյան» բժշկական կենտրոն:
Նոյեմբերի 19-ին, ժամը 19.55-ի սահմաններում, «ԲՄՎ» մակնիշի ավտոմեքենան Հրազդանի Ֆիդայինների փողոցից գազալցակայան տանող ճանապարհին բախվել է «Օպել» մակնիշի ավտոմեքենայի:
«ԲՄՎ»-ի վարորդը եւ «Օպել»-ի 3 ուղեւորները մարմնական վնասվածքներով տեղափոխվել են «Հրազդան» բժշկական կենտրոն:
Նոյեմբերի 20-ին, ժամը 01.00-ի սահմաններում, «ՎԱԶ 2106» մակնիշի ավտոմեքենան Նոյեմբերյան-Բագրատաշեն ճանապարհի 10-րդ կմ-ին դուրս է եկել ճանապարհի երթեւեկելի մասից եւ շրջվել, ինչի հետեւանքով ուղեւորը մարմնական վնասվածքներով տեղափոխվել է Նոյեմբերյանի «Ն. Նասիբյան» բժշկական կենտրոն:
Բոլոր դեպքերով կատարվում է քննություն:
