նախընտրելի դարձնել
Ոստիկանությունը նոր մանրամասներ է հաղորդել սպորտի նախարար Յուրի Վարդանյանի որդու մոտ թմրանյութ հայտնաբերելու գործի վերաբերյալ:
Ոստիկանության հաղորդագրության մեջ, մասնավորապես, ասվում է.
«2013 թ. հոկտեմբերի 12-ին, ժամը 15-ի սահմաններում, Դավիթ Վարդանյանը Երեւան-Մեղրի ավտոմայրուղուց բերման է ենթարկվել ոստիկանության Կապանի բաժին: Խուզարկությամբ նրա մոտից հայտնաբերվել է 99 գրամ հաշիշանման նյութ, բացի այդ, եւս 7 գրամ նմանատիպ նյութ հայտնաբերվել է նրա օրգանիզմից՝ բժշկական միջամտության արդյունքում:
2013 թ. հոկտեմբերի 12-ին եւ 13-ին կատարված դատաքիմիական փորձաքննության եզրակացության համաձայն՝ հայտնաբերված նյութերը հաշիշ տեսակի թմրամիջոց են»:
Նշվում է նաեւ, որ թմրամիջոցները դեպքում 106 գրամը համարվում է առանձնապես խոշոր չափ:
Ինչ վերաբերում է Դավիթ Վարդանյանի ցուցմունքներին, ապա նա հայտնել է, որ թմրամիջոցը ձեռք է բերել իր գործածման համար:
Դավիթ Վարդանյանը կալանավորված է:
Հարուցված քրեական գործի նախաքննությունը ոստիկանության քննչական գլխավոր վարչության հատկապես կարեւոր գործերի քննության վարչությունում շարունակվում է»:
