Դեկտեմբերի 1-ին, ժամը 13.30-ի սահմաններում, «Շկոդա Օկտավիա» մակնիշի ավտոմեքենան Երեւան-Գորիս ճանապարհի 227-րդ կմ-ին դուրս է եկել ճանապարհի բանուկ մասից եւ կողաշրջվել:

Վարորդը մարմնական վնասվածքներով տեղափոխվել է հիվանդանոց:

Ոստիկանության լրատվության վարչությունից հայտնում են, թե դեկտեմբերի 1-ին, ժամը 16.00-ի սահմաններում, «Մերսեդես-Բենց»  մակնիշի ավտոմեքենան Երեւան-Իջեւան ճանապարհի 111-րդ կմ-ին բախվել է գազատար խողովակի սյանը, ինչի հետեւանքով ուղեւորը  մարմնական վնասվածքով տեղափոխվել է հիվանդանոց:

Դեկտեմբերի 1-ին, ժամը 18.00-ի սահմաններում, Երեւան-Մեղրի ճանապարհի 124-րդ կմ-ին իրար են բախվել «ԳԱԶ-3110»   եւ «Ֆոլքսվագեն Վենտո»  մակնիշի ավտոմեքենաներ:

«Ֆոլքսվագեն Վենտո»-ի վարորդը մարմնական վնասվածքով տեղափոխվել է հիվանդանոց:

Դեկտեմբերի 1-ին, ժամը 18.25-ի սահմաններում, «Նիսան Պրիմերա»  մակնիշի ավտոմեքենայի վարորդը Արտաշատ-Երեւան գյուղամիջյան ճանապարհի 7-րդ կմ-ին վրաերթի է ենթարկել 55-ամյա տղամարդու եւ նրան տեղափոխել հիվանդանոց:

Դեկտեմբերի 1-ին, ժամը 18.50-ին, «Ֆորդ Տրանզիտ»  մակնիշի ավտոմեքենան Բերդ քաղաքի Մաշտոցի փողոցում դուրս է եկել ճանապարհի երթեւեկելի մասից եւ բախվել ծառի, ինչի հետեւանքով վարորդը մարմնական վնասվածքներով տեղափոխվել է հիվանդանոց:

Բոլոր դեպքերով կատարվում է քննություն: