նախընտրելի դարձնել
Նոյեմբերի 30-ին, ժամը 12.30-ին, անհայտ ավտոմեքենայի վարորդը Երեւանի Գայի պողոտայի եւ Թեւոսյան փողոցի խաչմերուկում բախվել է «ԳԱԶել-32213» մակնիշի միկրոավտոբուսի, որն էլ դուրս գալով երթեւեկելի մասից` բախվել է պատի, ինչի հետեւանքով «ԳԱԶել-32213»-ի ուղեւորը մարմնական վնասվածքներով բուժօգնության է դիմել հիվանդանոց:
Նոյեմբերի 30-ին, ժամը 14.20-ին, Երեւանի Զ. Քանաքեռցու եւ Հասրաթյան փողոցների խաչմերուկում իրար են բախվել «Ֆոլքսվագեն» եւ «ՎԱԶ-21214» մակնիշի ավտոմեքենաներ, ինչից հետո «ՎԱԶ-21214»-ն բախվել է մի հիմնարկության պատին:
«ՎԱԶ-21214»-ի վարորդը եւ ուղեւորը մարմնական վասվածքներով տեղափոխվել են հիվանդանոց:
Նոյեմբերի 30-ին, ժամը 19.30-ին, Երեւանի Արշակունյաց պողոտայի թիվ 26 շենքի պատին է բախվել «Մոսկվիչ-412» մակնիշի ավտոմեքենա, ինչի հետեւանքով վարորդը եւ 2 ուղեւորները մարմնական վնասվածքներով տեղափոխվել են հիվանդանոց:
Նոյեմբերի 30-ին, ժամը 23.30-ին, Երեւանի Արշակունյաց պողոտայի, Ագաթանգեղոսի եւ Գրիգոր Լուսավորիչի փողոցների խաչմերուկում իրար են բախվել «Մերսեդես-Բենց» եւ «ՎԱԶ-21099» մակնիշի ավտոմեքենաներ:
«ՎԱԶ-21099»-ի վարորդը մարմնական վնասվածքներով տեղափոխվել է հիվանդանոց:
Դեկտեմբերի 1-ին, ժամը 21.30-ին, «Օպել Աստրա» մակնիշի ավտոմեքենան Երեւանի Նուբարաշեն թաղամասում բախվել է «ԲՄՎ-350» մակնիշի ավտոմեքենայի: Վարորդները մարմնական վնասվածքներով տեղափոխվել են հիվանդանոց:
Դեկտեմբերի 1-ին, ժամը 22.00-ին, «ՎԱԶ-2106» մակնիշի ավտոմեքենան Երեւանի Շիրակի փողոցում բախվել է «Ռենո Լոգան» մակնիշի ավտոմեքենայի: Պատահարի հետեւանքով «Ռենո Լոգան»-ի ուղեւորուհին մարմնական վնասվածքներով տեղափոխվել է հիվանդանոց:
Բոլոր դեպքերով կատարվում է քննություն:
