Ղազախստանը պատրաստ է ստորագրել Մաքսային միությանը  Հայաստանի անդամակցության «ճանապարհային քարտեզը», բայց ղարաբաղյան հիմնախնդրի հարցով պարզաբանումներ է պահանջում: Այս մասին Եվրասիական տնտեսական բարձրագույն խորհրդի նիստում հայտարարել է Ղազախստանի նախագահ  Նուրսուլթան Նազարբաեւը:

Հայաստանի մասով «ճանապարհային քարտեզն» ընդհանուր առմամբ համաձայնեցված է, կարծում եմ, հնարավոր է այն ընդունել, ասել է նա: «Միաժամանակ հարց է ծագում Մաքսային միության սահմանի հետ կապված, որտեղով է այն անցնելու՝ հաշվի առնելով ղարաբաղյան հակամարտությունը, այս հարցը բաց է մնում:  Հետեւաբար մենք գործընկերների հետ «ճանապարհային քարտեզներ» կստորագրենք, բայց  հատուկ  կարծիքով, որը կզեկուցվի», - Նազարբաեւի խոսքերն է փոխանցում «ՌԻԱ Նովոստին»:

Նազարբաեւը նաեւ հույս է հայտնել, որ փաստաթղթի համաձայնեցման ընթացքում փորձագետները կգտնեն այս հարցի լուծումը: