ՆախընտրելիԹուրքիայի իշխող «Արադարություն եւ զարգացում» կուսակցության վարկանիշը աճ է գրանցել` ըստ թուրքական «Դենգե» կազմակերպության իրականացրած սոցհարցման արդյունքների:
Թուրքիայի 25 նահանգներում 1000 մարդկանց շրջանում անցկացված հարցման արդյունքում Էրդողանի կուսակցությունը, նախորդ տարվա տեղական ինքնակառավարման ընտրություններում ստացած ձայների համեմատ, ստացել է 3 տոկոսով ավելի ձայն` կազմելով 42 տոկոս: Գլխավոր ընդդիմադիր «Ժողովրդա-հանրապետական» կուսակցությունը ստացել է 21.3, իսկ «Ազգայանական շարժում» կուսակցությունը` 16.4 տոկոս: Հաջորդը գալիս է քրդական «Խաղաղություն եւ ժողովրդավարություն» կուսակցությունը` 6.3 տոկոս ձայնով:
Հարցվածների 64.7 տոկոսը համաձայն է եղել, որ Թուրքիային անհրաժեշտ է նոր Սահմանդրություն, իսկ 23.5 տոկոսը դեմ են արտահայտվել:
Հարցվածների 19 տոկոսը Թուրքիայում մարտ ամսի ամենակարեւոր իրադարձությունը համարել է սահմանադրական բարեփոխումները, 14.4 տոկոսը` «Մեծ մուրճ» հեղաշրջման նախագծի հետ կապված իրադարձությունները, 7 տոկոսը` «Էրգենեկոնի» գործի հետ կապված իրադարձությունները, իսկ 4.1 տոկոսը կարեւոր իրադարձություն է համարել գործազրկության աճը:
