նախընտրելի դարձնելՍլավյանսկում փոխհրաձգության հետեւանքով զոհվել է երկու զինծառայող, հայտնում է Ուկրաինայի ՊՆ մամուլի ծառայությունը։
«Մայիսի լույս 2-ի գիշերը Դոնեցկի Սլավյանսկ քաղաքում Ուկրաինայի ԶՈՒ երկու Մի-24 ուղղաթիռ է խփվել, որը օդային հերթապահություն էր անցկացնում նշված տարածքում։
Ըստ նախնական տեղեկության՝ ռազմական մեքենաները խփվել են անհայտ անձանց կողմից՝ շարժական զենիթահրթիռային համալիրներից: Հրաձգության հետեւանքով զոհվել է Ուկրաինայի զինված ուժերի երկու զինծառայող, եւս մի քանիսը տարբեր աստիճանի ծանրության վնասվածքներ են ստացել», - ասվում է հաղորդագրության մեջ:
Նշվում է, որ հրաձգության հետեւանքով վնասվել է նաւե ՄԻ-8 ուղղաթիռը: Այս դեպքում զոհեր եւ վիրավորներ չկան:
Ավելի վաղ հաղորդվել էր, որ ըստ Սլավյանսկի «ժողովրդական քաղաքապետ» Վյաչեսլավ Պոնոմարյովի՝ օդաչուներից մեկը զոհվել էր, մյուսին «գերի էին վերցրել»:
Ռուսական մամուլի հաղորդմամբ՝ ավելի ուշ անցակետերից մեկի վերեւում Ուկրաինայի ԶՈՒ երրորդ օդանավն է խփվել։
