նախընտրելի դարձնելՄայիսի 5-ին Ուկրաինայի Խարկովի մարզից Սլավյանսկ տանող ճանապարհի վրա` քաղաքի եզրագծին կառուցված անցակետի մոտ փոխհրաձգություն է սկսվել, որի արդյունքում յոթ ուկրաինացի ուժայիններ վնասվածքներ են ստացել, հաղորդում է TCH գործակալության թղթակիցը:
Վնասվածքների լրջության մասին տեղեկություններ դեռեւս չեն ստացվել. ներկայումս տեղանք են ժամանել շտապ օգնության մեքենաներ: Միեւնույն ժամանակ, քաղաքի մյուս ծայրին գտնվող հեռուստաաշտարակի մոտ սկսված փոխհրաձգությունը ուկրաինական զինվորականների կողմից օբյեկտի գրավմամբ է ավարտվել:
Ինչպես ռուսամետ ակտիվիստներն են հաղորդում, հրաձգության արդյունքում նրանց կողմից եւս յոթ մարդ ծանր վնասվածքներ է ստացել:
Մեկ այլ հաղորդմամբ, Լուգանսկում ռուսամետ ուժերը ՆԳՆ քաղաքային վարչության ուղղությամբ գրոհ են մեկնարկել եւ ստորաբաժանման ղեկավարին պատանդ վերցրել:
Ըստ ՈւՆՆ գործակալության փոխանցած տեղեկությունների, վերջինիս նկատմամբ ակտիվիստները ուժ են կիրառել:
