Հայաստանի արեւմտամետ ՀԿ-ները պետք է ճանաչեն իրենց չափը, մայիսի 5-ի մամուլի ասուլիսում հայտարարել է ԲՀԿ-ական նախկին պատգամավոր  Վարդան Բոստանջյանը: Նրա խոսքով՝ եթե Արեւմուտքը քաղաքացիական սեկտորին գրանտներ է տալիս, իսկ Ռուսաստանը՝ ոչ եւ մտադիր էլ չէ, դա դեռ չի նշանակում, որ պետք է անցնել կոռեկտության սահմանները:

«Գրանտասերնե՞րը: Ինչքան ուզում են թող սիրեն Արեւմուտքը, դա իրենց գործն է: Սակայն թող ուրիշներին չվիրավորեն: Սովորական բարեկրթություն է: Ռուսաստանը նրանց չի էլ նկատում: Հսկայական երկիր է, ողջ աշխարհը հաշվի է նստում նրա հետ:  Իսկ այստեղ ինչ-որ շիզիկներ վեր են կենալու եւ ելույթ ունենան… Ախր ո՞վ են նրանք ընդհանրապես», - հայտարարել է Բոսանջյանը:

Ըստ նրա`  իրենց հայրենասերներ ներկայացնող այդպիսի ՀԿ-ները պետք է մտածեն,  թե որքան է համապատասխանում Հայաստանի շահերին իրենց  բացահայտ  եւ անվերապահ հավատարմությունն Արեւմուտքին եւ նույնքան բացահայտ թշնամությունը Ռուսաստանի նկատմամբ:

Լուսանկարը՝ Արսեն Սարգսյանի/ NEWS.am