նախընտրելի դարձնելՀԱԿ-ը կենսաթոշակային բարեփոխման հարցով իշխանությունների հետ սեպարատ գործարքի չի գնա : Այս մասին մայիսի 12-ին ԱԺ-ի արտահերթի նիստում «Կուտակային կենսաթոշակների մասին» օրենքիում փոփոխությունների նախագծի քննարկման ընթացքում հայտարարել է ՀԱԿ խմբակցության ղեկավար Լեւոն Զուրաբյանը: Իշխանությունները ցանկանում են պահպանել պարտադիր համակարգը ցանկացած գնով՝ քաղաքացիներին նվազագույն զիջումներ անելով:
«Ի հակառակ վարչապետ Հովիկ Աբրահամյանի հայտարարության` կենսաթոշակային կուտակային վճարումները ակտիվ կատարվում են ողջ հանրապետությունում: Կառավարությունը շարունակում է հանդես գալ կուտակային համակարգի պարտադիր տարբերակի օգտին: Սա Սերժ Սարգսյանի եւ ՀՀԿ-ի վերնախավից շատերի ծրագիրն է, եւ այն, ամենայն հավանականությամբ, իրականացվելու է մինչեւ վերջ: ՀԱԿ-ը պատասխանատու չէ այս խաբեության համար: Չենք գնա սեպարատիստական գործարքի եւ մինչեւ վերջ հավատարիմ կմնանք ժողովրդի արդար պահանջներին», - նշել է Զուրաբյանը: Ըստ նրա` ՀՀԿ-ի առաջարկած գործարքները միայն այլ քաղաքական ուժերի ճնշումը թուլացնելու փորձեր են:
Հիշեցնենք, որ օրինագծում առաջարկվող միջոցները (կուտակային պահումները չկատարելու համար տույժերի վերացումը ) ժամանակավոր են կիրառվում, մինչեւ նոր օրենսդրության ընդունումը` ըստ Սահմանադրական դատարանի ապրիլի 2-ի վճռի: Օրենքների վերջնական փաթեթը պետք է ընդունվի մինչեւ սեպտեմբերի 30-ը: Այսպիսով, Հայաստանում հունվարի 1-ից ուժի մեջ մտած պարտադիր կուտակային կենսաթոշակային համակարգը ժամանակավորապես կվերածվի կամավորի:
