նախընտրելի դարձնելՀայաստանը Եվրասիական տնտեսական միության հետ գրեթե լուծել է սոցիալական նշանակության ապրանքների ներկրման տուրքերի հարցը: Այս մասին մայիսի 13-ին լրագրողներին հայտնել է էկոնոմիկայի նախարար Կարեն Ճշմարիտյանը: Բանակցությունների ավարտի ճշգրիտ ամսաթիվը հայտնի չէ: «Բայց ինձ թվում է՝ դա մեծ նշանակություն չունի: Մեկ շաբաթ շուտ կամ ուշ լինելը կարծում եմ քիչ բան է փոխում», - հավելել է Ճշմարիտյանը:
Ըստ նրա՝ Եվրասիական տնտեսական միությանն անդամակցելու բանակցություններն ավարտական փուլում են, իսկ մաքսատուրքերի գանձումներ ցուցակը կարելի է համաձայնեցված համարել: Ընդհանուր առմամբ, Հայաստանը կարող է մոտ 800 ապրանքների մասով ազատվել ՄՄ-ում գործող տուրքերից: Նախարարը հերքեց լուրերը, թե Եվրասիական տնտեսական հանձնաժողովը ցուցակը կրճատել է 400-ի:
Նշենք, սոցիալական նշանակության ապրանքները, որոնք Հայաստանը ներկրում է ՄՄ անդամ չհանդիսացող երկրներից, ներառում են ավտոմեքենաները, շաքարը, թռչնամիսը, բրինձը, դեղերի մեծ մասը եւ այլն:
