Ոստիկանության Բազումի բաժնում, մայիսի 29-ին, ժամը 00.10-ին, ահազանգ է ստացվել, որ անհայտ ավտոմեքենայի վարորդը մի խանութի դիմաց վրաերթ է կատարել:
Ոստիկանության մամուլի ծառայությունից հայտնում են, որ մեկնած օպերատիվ խումբը պարզել է, որ նույն օրը, ժամը 00.05-ի սահմաններում, անհայտ ավտոմեքենայի վարորդը Տիգրան Մեծի պողոտայի թիվ 75 շենքի դիմաց վրաերթի է ենթարկել 33-ամյա քաղաքացուհու եւ դիմել փախուստի:
Տուժողը մարմնական վնասվածքներով տեղափոխվել է հիվանդանոց:
Ձեռնարկվում են միջոցառումներ վրաերթ կատարած վարորդին ու ավտոմեքենան հայտնաբերելու ուղղությամբ:
Կատարվում է քննություն:





























