նախընտրելի դարձնել
Աբխազիայի ընդդիմությունը չի պատրաստվում հանրապետությունում կոալիցիոն կառավարություն ձեւավորել, փոխանցում է «ՌԻԱ Նովոստին»` վկայակոչելով ընդդիմության առաջնորդ Ռաուլ Հաջիմբային:
«Մեզ պետք չեն պաշտոններ, խոսքն այսօր միայն նախագահի մասին է: Կգա ժամանակը, կավարտվեն մեր այս վիճաբանությունները, սահմանադրությամբ կնշանակվեն նախագահական ընտրություններ: Ահա այն ժամանակ էլ ով կգա, նա էլ կձեւավորի կառավարություն», — ասել է Հաջիմբան:
Ըստ նրա` ներկայիս նախարարները պետք է շարունակեն աշխատանքը:
«Մենք խոսում ենք այն մասին, որ նախարարները եւ գերատեսչությունների ղեկավարները պետք է շարունակեն աշխատել եւ կաշխատեն, եւ պետք է աշխատել նրանց հետ: Ոչ մի այլ մոտեցում չի կարող լինել», — նշել է նա:
Ավելի վաղ փոխանցվել էր, որ Աբխազիայի ընդդիմությունն առաջին հերթին պահանջում է նախագահ Ալեքսանդր Անկվաբի հրաժարականը:
