Լիբիայի արեւելքում  հարձակում է կատարվել պաշտոնաթող գեներալ Խալիֆ Հաֆտերի նկատմամբ, որը մայիսի կեսերին պատերազմ էր հայտարարել ծայրահեղական իսլամիստներին: Արաբական հեռուստալիքների փոխանցմամբ, մահապարտը պայթեցրել է ականապատված մեքենան ռազմական առաջնորդի՝ Աբյար քաղաքի շտաբ-բնակարանի մերձակայքում, որը գտնվում է Բենգազիից 70 կմ հարավ-արեւմուտք, հաղորդում է ԻՏԱՌ-ՏԱՍՍ-ը:

 «Ալ-Արաբիակի» տվյալներով՝ հարձակման հետեւանքով զոհվել է 5 մարդ, այդ թվում ՝ Հաֆտարին պաշտպանող 3 զինվոր: Գեներալը, ով պայթյունի ընթացքում շենքի ներսում է գտնվել, չի տուժել:

Հաֆտարը Բենգազում (Տրիպոլիից 1000 կմ արեւելք) «Լիբիայի արժանիքները» ռազմական գործողություն էր սկսել  ռադիկալ իսլամիստական խմբավորումների դեմ: Նրա նախաձեռնությունը լայն արձագանք էր ստացել մի շարք ուժային եւ բանակային կառույցներում, նախկին հեղափոխականների կիսապաշտոնական զինված շարքերում, մի շարք քաղաքական գործիչների, տեղական գերիների եւ Կիրենաիկ շրջանի արեւելյան զինյալների շարքում: