ԱՄՆ-ի  նախագահ Բարաք Օբաման եւ նրա վերջերս ընտրված ուկրաինացի գործընկեր Պյոտր Պորոշենկոն Վարշավայում քննարկել են Ուկրաինայում իրավիճակի կարգավորման ծրագիրը եւ Ռուսաստանից Կիեւի էներգակախվածությունը նվազեցնելու ուղիները:

Պորոշենկոյի հետ առաջին հանդիպումից հետո Օբաման լրագրողներին պատմել է, որ իրենք խոսել են նաեւ Ուկրաինայի տնտեսական աճը խթանելու հնարավորությունների մասին, փոխանցում է «Ռեյթերը»: 

Հանդիպումից հետո հայտարարվել է, որ ԱՄՆ-ն Ուկրաինային 23 միլիոն դոլարի ռազմական օգնություն, ինչպես նաեւ 5 միլիոն դոլարի կապի հավելյալ սարքավորումներ կտրամադրի, փոխանցում է  BBC-ի ռուսական ծառայությունը: