նախընտրելի դարձնել
Քենիայի վայրի բնության պահպանության ծառայությունը որսագողերից առգրավել է փղոսկրի այս տարվա ամենախոշոր խմբաքանակը. Ըստ նախնական տվյալի` սպանվել է 114 փիղ:
Մոմբասա նավահանգստում ոստիկանական ստուգման ժամանակ ձերբակալվել է մեկ կասկածյալ: Քենիայի եւ Տանզանիայի նավահանգիստները լայնորեն օգտագործվում են որսագողերի կողմից` ասիական շուկաներ ապօրինի ապրանքն ուղարկելու համար, փոխանցում է BBC-ի ռուսական ծառայությունը:
Քենիայի տարածքում որսագողությունը մեծ թափ է հավաքել վերջին տարիներին` Չինաստանում եւ Հարավարեւելյան Ասիայում փղոսկրի պահանջարկի մեծացման պատճառով, որտեղ այն օգտագործում են թանկարժեք զարդեր պատրաստելու համար եւ ժողովրդական բժշկության մեջ:
