Դելտապլաներիզմի միջազգային կարգի վարպետ պսկովցի Անդրեյ Լեբեդեւը զոհվել է Ռուսաստանի հյուսիս-արեւմուտքում անցկացվող  PPG NW Russia 2014  պարամոտորային սպորտի առաջնության ընթացքում: Այս մասին հայտնում է FlashNord-ը՝ վկայակոչելով Կարելիայի իրավապահ մարմինների աղբյուրը:

«Դեպքը կատարվել է հունիսի 12-ի ժ. 23.30-ի սահմաններում: Ա. Լեբեդեւը դիպել է բարձրվոլտային մալուխի եւ  բարձրությունից   տապալվել գետնին»,- պատմել է աղբյուրը: Դեպքի վայրում աշխատում է քննչական խումբը:

Պարամոտորային սպորտի առաջնությունը, որը մեկնարկել էր հունիսի 12-ին, կասեցվել է, փոխանցում է Gazeta.ru-ն: