Նախընտրելի
Ռուսամետ ակտիվիստները Լուգանսկի օդանավակայանում հարված են հասցրել վայրէջքի պատրաստված օդանավին, որում ուկրաինացի զինվորականներ են եղել, փոխանցում է Ուկրաինայի պաշտպանության նախարարության մամուլի ծառայությունը:
Ուկրաինայի զինված ուժերի Իլ-76 ռազմատրանսպորտային օդանավը, որը «անձնակազմ էր տեղափոխում` ռոտացիայի նպատակով», խփվել է հունիսի 14-ի գիշերը: Կան զոհեր: Զոհերի ճշգրիտ թիվը դեռ հայտնի չէ:
«Օդանավում եղել են զինվորականներ, տեխնիկա, սպառազինություն եւ պարեն», - ասել են գերատեսչությունում:
ТСН-ն, վկայակոչելով Ուկրաինայի բանակի աղբյուրը, փոխանցում է, որ օդանավում է եղել է 30 մարդ:
Ավելի վաղ Լուգանսկում օդային տագնապ էր հայտարարվել: Լուգանսկի ինքնահռչակված Ժողովրդական Հանրապետության ղեկավարությունում պատմել են, որ Լուգանսկի ուղղությամբ թռել են Ուկրաինայի բանակի օդանավերը, փոխանցում է Gazeta.ru-ն:
