նախընտրելի դարձնել
Հալեպում Հայաստանի գլխավոր հյուպատոս Տիգրան Գեւորգյանը հունիսի 17-ին հանդիպում ունեցավ Հալեպի նահանգապետ Մոհհամադ Վահիդ Աքքադի հետ:
Շնորհավորելով Տիգրան Գեւորգյանին Հալեպում ՀՀ գլխավոր հյուպատոսի պաշտոնում նշանակվելու կապակցությամբ` Հալեպի նահանգապետը հաջողություն մաղթեց նրան իր գործունության մեջ:
Շնորհակալություն հայտնելով շնորհավորանքի եւ ընդունելության համար` ՀՀ գլխավոր հյուպատոսը կարեւորեց գլխավոր հյուպատոսության եւ նահանգային իշխանությունների միջեւ ավանդաբար եղած արդյունավետ համագործակցության շարունակությունը:
Կողմերը մտքեր փոխանակեցին Սիրիայում առկա իրադրության, նահանգի սոցիալ-տնտեսական խնդիրների եւ դրանց լուծման ուղիների վերաբերյալ:
Ընդգծելով Սիրիայի հասարակական կյանքում հայ համայնքի ունեցած կարեւորագույն դերակատարությունը` զրուցակիցներն անդրադարձան ստեղծված իրավիճակում Հալեպի հայության առջեւ ծառացած խնդիրներին:
Հանդիպման ընթացքում Մոհամադ Վահիդ Աքքադը Տիգրան Գեւորգյանին ներկայացրեց նաեւ նահանգի հումանիտար իրադրության բարելավման նպատակով իրականացվող քայլերը:
