նախընտրելի դարձնել
Իսրայելի բանակը եւս 65 պաղեստինցու է ձերբակալել նախորդ շաբաթ անհետացած իսրայելցի երեք դեռահասների որոնողական գործողության շրջանակում, հայտնում է «Ասոշիեյթեդ Փրեսս» գործակալությունը՝ վկայակոչելով Իսրայելի բանակի փոխգնդապետ Պյոտր Լերներին:
Իսրայելցի զինվորների որոնողական գործողությունն անցկացվել է հունիսի լույս 18-ի գիշերը՝ Հորդանան գետի արեւմտյան ափին: Կալանավորվածներից 50-ը 2011-ին ազատ արձակված պաղեստինցի բանտարկյալներից են:
Դեռահասների անհետանալուց ի վեր կալանավորվել է 240 պաղեստինցի:
Իսրայելի վարչապետը անհետացման մեղավոր է համարում ՀԱՄԱՍ շարժմանը:
Հիշեցնենք, հրեական կրոնական դպրոցի երեք սաներ նախորդ շաբաթ կորել էին Հորդանան գետի արեւմտյան ափին:
