նախընտրելի դարձնել
Հայաստանի կառավարությունն ամենեւին չի լսում մյուսների փաստարկները, հետո էլ հայտարարում է բազմակարծության մասին: Այդ մասին այսօր՝ հունիսի 18-ին, լրագրողներին ասաց ԱԺ ՀՅԴ խմբակցության ղեկավար Արմեն Ռուստամյանը՝ պատասխանելով կուտակային կենսաթոշակների վերաբերյալ խմբակցության դիրքորոշման վերաբերյալ հարցին:
«Կառավարությունը նշում է, որ լսում է այլ կարծիքներ, իսկ հետո պարզվում է, որ գրել են օրինագիծ՝ չհամաձայնեցնելով այն որեւէ մեկի հետ: Արդյո՞ք սա համագործակցության պատրաստականություն է նշանակում»,- հայտարարել է Ռուստամյանը:
Նրա խոսքով՝ ՀՅԴ-ն դեմ է կոսմետիկ շտկումներին, որոնք, սակայն, ուժի մեջ են թողնում կուտակային կենսաթոշակի պարտադիր լինելու հանգամանքը: Այս դիրքորոշումը նրանք կպահպանեն ԱԺ արտահերթ նստաշրջանում «Կուտակային կենսաթոշակների մասին» օրենքում փոփոխությունների նոր նախագծի քննարկման ժամանակ։
Հիշեցնենք, որ նոր օրինագծում պարտադիր կուտակային կենսաթոշակները չեղյալ չեն համարվում, պարզապես վերածվում են պարտադիր սոցիալականի: Վճարումները փոխանցվելու են պետական գանձարան՝ մասնավոր ընկերությունների վերահսկողությամբ. Սկզբում դրանք բյուջե մուտք կգործեն: Մնացած ուղին անփոփոխ է, սակայն շղթայում բյուջեի օղակը թույլ է տալիս պահպանել Սահմանադրության պահանջը: Ապրիլի 2-ին ՍԴ-ն հակասահմանադրական ճանաչեց քաղաքացիների կամքին հակառակ պահումները: Կառավարությունը սրա հիման վրա նոր օրինագիծ է կազմել:
