նախընտրելի դարձնել
Ոչ իշխանական ուժերի քառյակի գործընկերությունը պետք է դուրս գա խորհրդարանի դռներից, հունիսի 28-ին «Ժառանգության» 10-րդ համագումարում հայտարարել է կուսակցության փոխնախագահ Արմեն Մարտիրոսյանը։
Ինչպես տեսանք, Հայաստանը պատրաստ չէր միասնական եւ երկար պայքարի, հավելել է նա։
Ըստ նրա՝ խորհրդարանական ընտրությունների կեղծումից հետո կուսակցության անդամները հիասթափված էին, իսկ ընդդիմությունն ընդհանրապես՝ պառակտված։
«Մենք փորձեցինք միավորել ընդդիմադիր դաշտը, սակայն չկարողացանք, քանի որ որոշ «ընդդիմադիր» ուժեր սկսեցին գործել Րաֆֆի Հովհաննիսյանի դեմ՝ իշխանություններից էլ ջանասիրաբար»,- հայտարարել է Մարտիրոսյանը:
Իշխանությանը հաջողվեց նաեւ կեղծել նախագահական ընտրությունները՝ չնայած հասարակության շրջանում Րաֆֆի Հովհաննիսյանին բացահայտ աջակցելուն: Սակայն առանձին քաղաքներում, օրինակ՝ Գյումրիում, ժողովուրդն ապացուցեց իր վճռականությունը, եւ հաղթեց «Ժառանգությունը», հավելել է Մարտիրոսյանը:
Նա դրական է արտահայտվել խորհրդարանական ոչ իշխանական չորս ուժերի համագործակցության մասին, սակայն հույս է հայտնել, որ այն դուրս կգա խորհրդարանի սահմաններից եւ կընդլայնի ազդեցության ոլորտը:
