Բարեկամ պետությունների հավաքական պաշտպանության շրջանակում գործելու Ճապոնիայի պատրաստակամությունը մտահոգել է երբեմնի միլիտարիստական երկրի հարեւաններին:

ՉԺՀ-ի պաշտոնական ներկայացուցիչը ճապոնացիներից պահանջել է հարգել  անվտանգության ոլորտում հարեւանների ինքնիշխանությունն ու շահերը:

Հուն Լեյը նշել է, որ վերջերս Ճապոնիան հաճախ է պատմական հարցերին առնչվող միջադեպեր հրահրում, մյուս կողմից էլ  չլսված քայլեր է ձեռնարկում ռազմական անվտանգության ոլորտում, ինչն էլ հանգեցնում է երկրի ռազմաքաղաքականության արմատական փոփոխության:

Չինաստանը դեմ է Ճապոնիայի կողմից այսպես կոչված «չինական սպառնալիքի» հորինմանը՝ երկրում քաղաքական գործընթացի առաջխաղացման նպատակով:

Միաժամանակ Հարավային Կորեայում Ճապոնիայի դեսպանատան դիմաց կայացել է բողոքի հակառազմական ակցիա: