նախընտրելի դարձնել
Այս տարվա առաջին 6 ամիսներին օդային փոխադրումների ոլորտում առկա է ուղեւորների թվի եւ չվերթերի ավելի քան 25 տոկոս աճ: Այս մասին հաղորդագրություն է տարածել «Արմենիա Միջազգային Օդանավակայաններ» ընկերությունը:
Հաղորդագրության մեջ նաեւ նշվում է.
«Սա ՀՀ կառավարության կողմից հայտարարված «բաց երկնքի» քաղաքականության արդյունք է:
2014թ. հունիսին, 2013թ. նույն ժամանակահատվածի համեմատ «Զվարթնոցում» ուղեւորահոսքն ավելացել է 43 տոկոսով: Եթե 2013թ հունիսին «Զվարթնոց» միջազգային օդանավակայանի ծառայություններից օգտվել է 145 339 ուղեւոր, ապա 2014թ հունիսի ցուցանիշը կազմում է 208 408 ուղեւոր: Չվերթերի թվի աճը այդ ժամանակահատվածում կազմել է 42 տոկոս: 2014թ. հունիսին կատարվել է 1995 չվերթ` նախորդ տարվա նույն ժամանակահատվածի 1405 չվերթի համեմատ:
Եթե 2013թ. հունիսին դեպի «Զվարթնոց» կանոնավոր չվերթեր իրականացնում էին 27 ավիաընկերություններ, ապա այժմ դրանց թիվը 33 է: Բացի այդ ավիաընկերություններից շատերն ավելացրել են իրենց հաճախականությունները բոլոր ուղղություններով, ինչը հանգեցրել է ավիատոմսերի գնի նվազմանը:
Ուղեւորների թիվը 2013թ. հունիսին Ուղեւորների թիվը 2014թ. հունիսին Տարբերությունը տոկոսային հարաբերությամբ
Ժամանող 78 464 109 269 + 39 %
Մեկնող 66 875 99 139 + 48 %
Ընդամենը 145 339 208 408 + 43 %
Այսօրվանից սկսած` «Զվարթնոցից» շաբաթական չորս անգամ չվերթներ կիրականացնի նաեւ «Էթիհադ» ավիաուղիները:
Զվարթնոց միջազգային օդանավակայան. ավելի շատ չվերթեր, ավելի լավ պայմաններ ուղեւորների համար:
