նախընտրելի դարձնելԱՄՆ պաշտպանության նախարար Ռոբերտ Գեյթսը հայտարարել է, թե Բաքու այցը դրական լիցք կհաղորդի Ադրբեջանի եւ Միացյալ Նահանգների միջեւ հարաբերությունների զարգացմանը:
«Մենք հետագա երկկողմ խորհրդակցություններ ենք անցկացնելու պաշտպանության ոլորտում հաջորդ ամիս, եւ հուսով եմ՝ շատ բան, ինչ քննարկել ենք, կհստակեցվի»,- ասել է Գեյթսը Ադրբեջան կատարած այցի արդյունքներն ամփոփելով:
Բացի ռազմական ոլորտում երկկողմ համագործակցությունից քննարկվել են Կասպից ծովում անվտանգության ապահովումը, հմատեղ զինավարժությունների թվի աճը եւ հետախուզական տեղեկատվության փոխանակումը:
«Հանդիպմանը ադրբեջանական կողմն իր մտահոգություններն է հայտնել ղարաբաղյան կարգավորման գործընթացում առաջընթացի բացակայությունից»,- ասել է Գեյթսը, ով իր հերթին խոստացել է այդ մասին տեղեկացնել պետքարտուղար Հիլարի Քլինթոնին:
