նախընտրելի դարձնելՀայաստանի նախագահ Սերժ Սարգսյանն այսօր՝ հունիսի 8-ին հրաժեշտի հանդիպում է ունեցել Հայաստանում դիվանագիտական առաքելությունն ավարտող Թուրքմենստանի արտակարգ եւ լիազոր դեսպան Շոհրատ Ջումաեւի հետ:
Նախագահի մամուլի գրասենյակից NEWS.am-ին հայտնում են, որ Սերժ Սարգսյանը շնորհակալություն է հայտնել դեսպանին պաշտոնավարման ընթացքում երկու երկրների միջեւ համագործակցության զարգացմանը նպաստելու համար եւ հաջողություն մաղթել հետագա գործունեության մեջ:
Շոհրատ Ջումաեւը նշել է, որ հայ-թուրքմենական կապերի ընդլայնման գործում մշտապես զգացել է Հայաստանի իշխանությունների աջակցությունը եւ Հայաստանից հեռանում է լավագույն տպավորություններով:
