«Իրատես de facto» թերթը գրում է. «Վարչապետի որոշմամբ՝ բոլոր գործարարները պետք է ստվերից դուրս գան, այլապես «կոշտ» մեթոդներով օրենքի դաշտ «բերման» կենթարվկեն։ Այս որոշման «շորշոփներն» արդեն զգո՞ւմ են գործարարները՝ հարցրի ԱԺ ՀՀԿ խմբակցության անդամ Մանվել Բադեյանին.
- Ես չէի կարող նկատել, քանի որ երբեք ստվերում չեմ աշխատել,- ասաց պատգամավորը։
-Ձեր մերձավորների, շրջապատի գործարարների աշխատաոճում եւ՞ս չեք նկատել։
-Այդ առումով որեւէ տեղեկություն չունեմ, որովհետեւ ինքս բիզնեսով չեմ զբաղվում։ (Հիշեցնենք, որ ոչ վաղ անցյալում Մանվել Բադեյանը խորհրդարանի ամբիոնից դիմելով դահլիճում նստած ֆինանսների նախարար, նախկին ՊԵԿ ղեկավար Գագիկ Խաչատրյանին, ի պաշտպանություն գործարարների, ասաց. «Պարոն Խաչատրյան, քանիցս ունեցել ենք ընդհարումներ, հաջողվե՞լ է ինձ պաշտպանել բիզնեսը։ Երբեք»։ Մինչդեռ այսօր «Եվրոստան» ընկերության սեփականատեր Մանվել Բադեյանը հերքում է անգամ ինքն իրեն- Ռ. Խ.)։
-Այդուհանդերձ, վստա՞հ եք, որ ստվերում աշխատող գործարարները «դարձի» կգան։
-Հույս ունեմ։
-Ի՞նչ հիմք ունի Ձեր լավատեսությունը։
Իսկ որեւէ բան տեղի չի՞ ունեցել։ Կառավարությունը հայտարարել է, ասել է, որ միջոցներ պետք է ձեռք առնի։ Իսկ ինչո՞ւ Դուք հույս չունեք։
-Փաստորեն, վստահում եք կառավարության ղեկավարին։
Իհարկե»:
Առավել մանրամասն` թերթի այսօրվա համարում





























