նախընտրելի դարձնել
էկոնոմիկայի նախարար Կարեն Ճշմարիտյանն այսօր ընդունել է ֆրանսիական «Քարֆուր» ընկերության Հայաստանյան գրասենյակի տնօրեն Քրիստիան Դը Նալին եւ գրասենյակի ներկայացուցիչներ Լորան Նազետին ու Վաչե Արսենին:
Էկոնոմիկայի նախարարության մամուլի ծառայությունից հայտնում են, որ Ճշմարիտյանը ողջունել է աշխարհում երկրորդ ամենախոշոր հիպերմարկետների ցանցի մուտքը Հայաստան եւ նշել, որ նման ընկերության գործունեությունը Հայաստանում միայն կնպաստի երկրի տնտեսության զարգացմանը:
«Քարֆուր»-ի Հայաստանյան գրասենյակի տնօրենը նշել է, որ ընկերությունը առաջին հերթին համագործակցելու է տեղական արտադրողների ու մատակարարող ընկերությունների հետ:
Հանդիպման ընթացքում քննարկվել են հարցեր` կապված ընկերության ներկայացման ձեւաչափի, գործունեության վայրի եւ բացման ժամկետի, տեղական մատակարար հնարավոր գործընկերների եւ մի շարք այլ խնդիրների հետ:
Կարեն Ճշմարիտյանը նշել է, որ նախարարությունն իր իրավասությունների շրջանակում կաջակցի ընկերությանը` հնարավորինս շուտ Հայաստանում իր գործունեությունը սկսելու համար:
