նախընտրելի դարձնել
2,2 մլրդ մարդ աղքատ է կամ գտնվում է աղքատության շեմին, ասված է ՄԱԿ-ի մարդկային զարգացման մասին 2014թ. զեկույցում: Դրա հեղինակները առաջարկում են փոփոխությունների հասնել աղքատների սոցիալական պաշտպանության ճանապարհով, հայտնում է ՄԱԿ-ի լրատվական կենտրոնը:
Մասնավորապես, նշվում է բոլոր տարածաշրջաններում մարդկային զարգացման տեմպերի դանդաղումը: Նշվում է, որ ֆինանսական ճգնաժամի, սննդամթերքի գների տատանումների, տարերային աղետների եւ զինված հակամարտությունների նման սպառնալիքները զգալի արգելակում են առաջընթացը:
«Աղքատության կրճատումը անհրաժեշտ է դարձնել 2015 թ. օրակարգի գլխավոր նպատակը», – ասվում է զեկույցում:
Ներկայումս աշխարհի բնակչության մեծամասնությունը չունի սոցիալական պաշտպանության համալիր միջոցառումներ, ինչպիսիք են կենսաթոշակը եւ ապահովագրությունը գործազրկության դեպքում: Զեկույցում նշվում է, որ անման միջոցները հասանելի են երկրների զարգացման ցանկացած փուլում:
«Աշխարհի աղքատներին սոցիալական ապահովության հիմնական արտոնությունների տրամադրումը կկազմի համաշխարհային ՀՆԱ-ի 2%-ը», – կարծում են զեկույցի հեղինակները:
