նախընտրելի դարձնել
Հայաստանի պաշտպանության նախարար Սեյրան Օհանյանը օգոստոսի 7-ից գտնվում է Տավուշի մարզում:
Ինչպես NEWS.am-ին հայտնեց նախարարի մամուլի խոսնակ Արծրուն Հովհաննիսյանը, նրանք այցելել են Տավուշի սահմանամերձ գյուղեր:
«Զինվորների եւ գյուղացիների մարտական ոգին բարձր է, բոլորն էլ ոգեւորված են: Այցելել ենք առաջնային գիծ, այնուհետեւ Բերքաբեր, Վազաշեն: Այսօր էլ շարունակում ենք այցելությունները գյուղեր»,- ասաց նա:
Նրա խոսքով՝ Սեյրան Օհանյանը հանդիպումներ է ունենում գյուղացիների հետ: Դեռ հայտնի չէ՝ մինչեւ երբ է նախարարը մնալու Տավուշում:
Նշենք, որ վերջին օրերին ադրբեջանական կողմը հաճախ է կրակում հայկական գյուղերի ուղղությամբ:
