Ոստիկանության ԿՀԴՊԳՎ  ԹԱՇԴՊՎ, ոստիկանության Տավուշի մարզային վարչության եւ Տավուշի բաժնի ծառայողները  նախօրեին  քաղաքի Մաշտոցի փողոցից, իր վարած «ՎԱԶ-2121»   մակնիշի ավտոմեքենայով, բաժին բերման են  ենթարկել  1980 թ. ծնված  Արթուր Մ.-ին, որի  մոտ հայտնաբերվել է 5,6 մմ տրամաչափի 4 փամփուշտ, ավտոմեքենայի զննությամբ հայտնաբերվել է կանեփանման բույսի  1  կանաչ  ցողուն` 4 գ  կշռով:

Ոստիկանության լրատվության վարչությունից հայտնում են, թե նյութերի նախապատրաստման ընթացքում Արթուր Մ.-ն խոստովանել է, որ նույն օրը, ժամը 15.00-ի սահմաններում, Տավուշի մարզի Իծաքար գյուղին պատկանող «Քարագյուղ» կոչվող տարածքից վայրի աճած կանեփանման բույսի թփերից, հետագայում օգտագործելու նպատակով, պոկել է որոշակի զանգված եւ Բերդ-Նավուր ճանապարհի 3-րդ կմ-ում նկատելով ոստիկանի ավտոմեքենան` նետել  է դուրս: Արթուր Մ.-ի մատնանշմամբ հիշյալ  տարածքից հայտնաբերվել է  9 հատ մոտ  800 գ  կշռով կանեփանման բույսի կանաչ  ցողուններ,  պոլիեթիլենային պարկի մեջ հայտնաբերվել է 190 գ  եւ սպիտակ անձեռոցիկի մեջ փաթեթավորված 20 գ  կշռով կանեփանման կանաչ զանգված: Հայտնաբերվածն ուղղարկվել է ՓՔՎ: Կատարվում է հետաքննություն: