նախընտրելի դարձնել
ԱՄՆ-ն որոշել է առայժմ «Իսլամական պետություն» կազմակերպության գրոհայինների հալածանքներից փախած եւ Սինջար լեռան վրա ապաստանած իրաքցի եզդիների փրկության գործողություն չսկսել:
Հետախուզությունը պարզել է, որ փախստականների դրությունը ենթադրվածից ավելի լավ է, նրանք սնունդ եւ խմելու ջուր ունեն, որոնք ստանում են օդային կամրջով, այդ պատճառով նրանց տեղափոխելու հարցում շտապել պետք չէ, եզրակացրել է ԱՄՆ-ի ՊՆ-ն, փոխանցում է Deutsche Welle-ն:
Պենտագոնից նաեւ նշել են, որ ԱՄՆ-ի ավիացիայի հարվածների եւ քրդերի վերջին օրերի ռազմական հաջողությունների շնորհիվ հազարավոր եզդիների հաջողվել է փախչել Իրաքի հյուսիսի լեռնային տեղանքից: Ավելի վաղ հաղորդվել էր, որ այս տարածաշրջանում իսլամիստներից թաքնվում են շուրջ 30 հազար փախստական եզդիներ, որոնք հուսահատ դրության մեջ են, տառապում են քաղցից եւ անտանելի շոգից, հիշեցնում է Reuters-ը:
