նախընտրելի դարձնել
Հայաստանն ու Վրաստանը հնարավորություն կստանան նոր իրավիճակն ի շահ իրենց օգտագործելու եւ առանց այն էլ լավ երկկողմ հարաբերությունները խորացնելու: Այս մասին օգոստոսի 16-ին հայտնել է վրացագետ Ալիկ Էրոյանցը:
Ըստ նրա՝ Վրաստանի նոր իշխանությունների գալով հայ-վրացական հարաբերությունների համար բարենպաստ միջավայր է ձեւավորվել:
«Նոր իշխանությունները հասկացան, թե ինչ կախվածություն ունեն Ադրբեջանի էներգետիկ մենաշնորհից եւ իհարկե փորձեցին հավասարակշռված քաղաքականություն վարել: Այս տեսանկյունից շահող դուրս եկավ մեր երկիրը»,- նշել է Ալիկ Էրոյանցը:
Ըստ նրա՝ երկկողմ հարաբերություններում կան նաեւ խնդիրներ Վրաստանի ԵՄ-ի հետ ասոցացման համաձայնագրի ստորագրման եւ ԵՏՄ-ին Հայաստանի պոտենցիալ անդամակցության համատեքստում:
«Այնուամենայնիվ, հարաբերությունների ներկա բարձր մակարդակը եւ կառուցողական երկխոսությունը կնպաստեն առկա խնդիրների լուծմանը: Այդ խնդիրները հիմնականում կարող են տնտեսական հարցերի շուրջ լինել: Սակայն կա այդ խոչընդոտները հաղթահարելու փոխադարձ պատրաստակամություն, եւ դա արդեն հուսադրող է», - նշել է փարձագետը՝ հավելելով, որ ԵՄ-ն եւ ԵՏՄ-ն նաեւ հաշվի կառնեն հայ-վրացական հարաբերությունների յուրահատուկ բնույթը:
Հիշեցնենք, Վրաստանը ԵՄ-ի հետ ասոցացման համաձայնագիր է ստորագրել ս/թ. հունիսի 27-ին, իսկ ԵՏՄ-ին Հայաստանի անդամակցությունը սպասվում է աշնանը:
