ՆախընտրելիВ խումբ, 2-րդ տուր
17 հունիսի, Բլումֆոնտեյն, Ֆրի Սթեյթ ստադիոն
Մրցավար` Օսկար Ռուիս (Կոլումբիա)
Ուչե, 16 (0:1), Սալպինգիդիս, 44 (1:1), Տորոսիդիս, 72 (2:1)
- Աշխարհի 2010թ. առաջնության խաղերի օրացույցը
Առաջին տուրում պարտություն կրած Հունաստանի եւ Նիգերիայի հավաքականների հանդիպումը հարուստ էր իրադարձություններով: Խաղասկզբում ավելի նախընտրելի էին դիտվում նիգերիացիների գործողությունները: Դարպասին կատարած հենց առաջին հարվածով Նիգերիան բացեց հաշիվը:
16-րդ րոպեին զավեշտալի գոլի հեղինակ դարձավ Կալու Ուչեն: Իրացնելով տուգանային հարվածը`Ուչեն գնդակն ուղարկեց դարպասապահի հրապարակ, ոչ ոք չդիպավ գնդակին, դարպասապահ Ցորվասը հակառակ ուղղությամբ էր ցատկել եւ 1:0:
Եվ, եթե չլիներ Նիգերիայի հավաքականի խաղացողի հեռացումը 34-րդ րոպեին, ապա դժվար թե հույները կարողանային բեկել հանդիպման ընթացքը:
Կայտան խախտեց կանոնները Տորոսիդիսի նկատմամբ: Մրցավարը որոշեց կարմիր քարտ ցույց տալ:
Հույները թվային առավելությունը գոլի վերածեցին առաջին խաղակեսի նախավերջին րոպեին: Սալպինգիդիսը ուժեղ հարվածեց եւ գնդակը Արունայի մեջքից հայտնվեց Նիգերիայի դարպասում` Հունաստանի առաջին գոլը աշխարհի առաջնություններում:
72-րդ րոպեին աչքի ընկավ Տորոսիդիսը եւ Հունաստանը տարավ շատ կարեւոր հաղթանակ:
