F խումբ, 2-րդ տուր
20 հունիսի, Նելսփրեյթ, Մբոմբելա ստադիոն
Մրցավար` Կարլոս Բատրես (Գվատեմալա)
Սմելց, 7 (0:1), Յակվինտա, 29 (1:1, 11մ)

Աշխարհի չեմպիոն իտալացիները ձախողեցին նաեւ երկրորդ հանդիպումը: Հաղթել Նոր Զելանդիայի հավաքականին Մարչելո Լիպիի ֆուտբոլիստներն այդպես էլ չկարողացան: Խփելով արագ գոլ` նորզելանդացիներն անձնուրաց պաշտպանվում էին, եւ, եթե չլիներ 11 մետրանոցը, ապա, հնարավոր է, կայանար աշխարհի առաջնությունների խոշորագույն սենսացիան: Թեեւ ոչ-ոքի արդյունքը պակաս սենսացիոն չէ:
Հաշիվը բացվեց արդեն 7-րդ րոպեին: Գրեթե խաղադաշտի կենտրոնից կատարած տուգանայինից հետո գնդակը դիպավ Իտալիայի թիմի ավագ Կանավարոյին եւ հայտնվեց Սմելցի մոտ, որը մոտ տարածությունից գրավեց Բուֆոնի տեղը զբաղեցրած Մարկետիի դարպասը:  
29-րդ րոպեին Սմիթը սեփական տուգանային հրապարակում գցեց Դե Ռոսիին եւ ստացավ դեղին քարտ: Իսկ 11 մետրանոցը դիպուկ իրացրեց  Յակվինտան: Իտալիան ավելին անել չկարողացավ:

 

F խումբ Խ Հ Ո Պ Գ Մ
Պարագվայ 2 1 1 0 3-1 4
Իտալիա 2 0 2 0 2-2 2
Ն.Զելանդիա 2 0 2 0 2-2 2
Սլովակիա 2 0 1 1 1-3 1