նախընտրելի դարձնելՀունական մայրաքաղաքի դատարանը 8 ամսվա պայմանական ազատազրկման է դատապարտել 2011թ. հոկտեմբերի 5-ին Սինտագման հրապարակում ցույցի ժամանակ ֆոտոլրագրողին հարվածած ոստիկանության աշխատակցին:
Դատարանը զանգվածային անկարգությունների դեմ պայքարի հատուկ ստորաբաժանման 27-ամյա ոստիկանին մեղավոր է ճանաչել առողջությանը աննշան վնաս պատճառելու համար: Իր հերթին, տուժած Տատյանա Բոլարին հայտարարել է, որ ոստիկանը բռունցքով «ջախջախիչ հարված է հասցրել իր դեմքին», հաղորդում է «Ռոսբալտը»:
Նշենք, որ սա Հունաստանում առաջին դեպքն է, երբ ոստիկանը դատապարտվում է ֆոտոլրագրողի նկատմամբ բռնություն գործադրելու համար: Հունաստանի իրավապահ մարմինները դաժանաբար ճնշել են 2011թ. աշնանը բողոքի զանգվածային ակցիաները:
