ՀՀ վարչապետ Տիգրան Սարգսյանն այսօր` հունիսի 29-ին ընդունել է  միջազգային  փորձագետներ, Համբուրգի համալսարանի պրոֆեսոր Յորգ  Ռոսբախին եւ Շվեյցարիայի  տեխնոլոգիաների ֆեդերալ ինստիտուտի պրոֆեսոր Լեոնիդ Ռիվկինին։ Ինչպես NEWS.am-ը տեղեկանում է կառավարության մամուլի ծառայությունից, միջազգային փորձագետները Հայաստան են ժամանել` մասնակցելու «Քենդլ» սինքրոտրոնային լույսի աղբյուրի ստեղծման  նախագծի շրջանակներում   հունիսի 30-ին Երևանի պետական համալսարանի  ֆիզիկայի  ֆակուլտետում կայանալիք  գիտաժողովին։

Խոսելով «Քենդլ» սինքրոտրոնային լույսի աղբյուրի ստեղծման  ծրագրի մասին` վարչապետն ընդգծել է, որ այն  կնպաստի  Հայաստանում հիմնարար  եւ կիրառական գիտությունների զարգացմանն ու միջազգային համագործակցության խթանմանը։ Այդ համատեքստում կարեւորվել է միջազգային  փորձագետների մասնակցությունը հետագա աշխատանքներին։