նախընտրելի դարձնելԱյս տարի Ամանորի առթիվ NEWS.am-ը իր ընթերցողներին կներկայացնի «Բլից-տոնական» հարցազրույցների շարք: 10 բլից հարցերի միջոցով կփորձենք ամփոփել պաշտոնյաների 2014թ անձնական եւ անանձնական տեսանկյունից: Ներկայացնում ենք շարքի առաջին հարցազրույցը՝ բլից-տոնական ԱԺ Հանրապետական խմբակցության պատգամավոր Արփինե Հովհաննիսյանի հետ:
Տարվա օրինագիծը
Լավ, համոզեցիք, ինձ կգովամ, ԴԱՀԿ մասին օրենքը եւ «Վարչական իրավախախտումների» վերաբերյալ օրենսգրքում փոփոխությունների օրինագծերը:
Տարվա պատգամավորը
Լավ, մի քիչ էլ ուրիշին գովամ, հարեւան գործընկերս՝ Էդմոն Մարուքյան:
Տարվա իրադարձությունը ձեր կյանքում
Իմ կյանքում տարվա իրադարձության բացակայությունը:
Տարվա ուղեւորությունը
Երազանքս իրականացավ, Իտալիա գնացի:
Տարվա հաջողությունը եւ ձախողումը
Հաջողությունը՝ ներկայացված էի մի շարք մրցանակաբաշխություններում (երջանիկ է), ձախողումը՝ այդպես էլ ոչ մի մրցանակ չստացա (չափազանց տխուր է):
Տարվա ամենամեծ ծախսը
Հատուկ մեծ ծախսեր չեն եղել:
Տարվա հիասթափությունը
Պարբերաբար եւ անընդհատ՝ մարդկանց, երեւույթներից, հանգամանքներից:
Տարվա անակնկալը
Դեռ սպասում եմ:
Տարվա խենթությունը
Մեկ աշխատանքային օր՝ առավոտյան Գերմանիայում, ցերեկը՝ Պետերբուրգում, երեկոյան Երեւանում գտնվելը...էլ չեմ անի:
Տարվա Ձմեռ Պապը
Տարվա անակնկալը:
Ինգա Մարտինյան
