«Բլից- տոնականի» հաջորդ հյուրը «Բարգավաճ Հայաստան» խմբակցության պատգամավոր Ռուբեն Գեւորգյանն («Ծաղիկ Ռուբոն») է: Տարվա իրադարձությունը-Ձիու տարի էր, բայց ժողովուրդը իր ունեցած էշից էլ զրկվեց:

Տարվա քաղաքական գործիչը

Գործիչը չգիտեմ, բայց գործիքը ամենուրեք իր սեւ գործն անող քաղաքական կեղտն էր:

Տարվա ձեռքբերումն ու ձախողումը

Խաղաղությունը եւ անընդմեջ թանկացումը:

Տարվա սկանդալը

Իրենց իսկ պաշտպանած երկրում հրամանատար ազատամարտիկներին ծեծի ենթարկելը:

Տարվա խենթությունը

Կարճ ժամանակում մի տանիքի տակ առաջին գծում կռված մոտ 6000 խենթ եւ խելառ երդվյալների համախմբումը՝ ԵԱՄ:

Տարվա ազատամարտիկը

Պատերազմի տարիներին պամպեռս հագած երկրի այսօրվա չինովնիկներն ու պուզատիները:

Տարվա ծաղիկը

Բոլորի ժամանակների Ծաղիկ Ռուբոն:

Տարվա հիասթափությունը

Դրամի արժեզրկումը:

Տարվա զարմանքը

Շանթի որդու ձերբակալումը:

Տարվա Ձյունանուշը

Լրատվամիջոցներից  հայտնի ՀՀԿ տատին:

Ինգա Մարտինյան