նախընտրելի դարձնելՎենեսուելայի նախագահ Նիկոլաս Մադուրոն նոր արտգործնախարար է նշանակել՝ 44-ամյա Դելսի Ռոդրիգեսին, եւ սա պատմության մեջ առաջին դեպքն է, երբ արտգործնախարարությունը կին է ղեկավարելու:
Նրա նախորդ Ռաֆայել Ռամիրեսը նշանակվել է ՄԱԿ-ում Վենեսուելայի մշտական ներկայացուցիչ:
Դելսի Ռոդրիգեսը 2006 թ.՝ դեռեւս Ուգո Չավեսի օրոք, եղել էր նախագահի աշխատակազմի ղեկավարը: Մինչեւ այս տարվա հոկտեմբերը նա եղել է կապի եւ տեղեկատվության նախարարը, հայտնում է «Կոմսոմոլսկայա պրավդան»:
Ռամիրեսը արտգործնախարարի պաշտոնը զբաղեցնում էր սեպտեմբերի սկզբից, այդ պատճառով էլ նրա հրաժարականը շատերի համար է անսպասելի եղել:
