նախընտրելի դարձնելCarrefour-ի հայտնվելը հայաստանյան շուկայում գների նվազման կհանգեցնի: NEWS.am-ի թղթակցի հետ զրույցում նման տեսակետ հայտնեց «Նատֆուդ» մսամթերքի կոմբինատի սեփականատեր, փակված «Star» սուպերմարկետների ցանցի 71,7%-ի նախկին բաժնետեր Հենրիխ Զաքարյանցը:
Ըստ նրա՝ սուպերմարկետների ցանցերի միջեւ մրցակցությունը ինտենսիվության առումով նույնն է: «Հնարավոր է` Carrefour-ի հայտնվելով այն ավելի սաստկանա: Հուսով ենք: Ապրանքների գները պետք է նվազեն, քանի որ նրանք ապրանքներն անձամբ են ներմուծելու, ինչպես արել են Վրաստանում, եւ արդյունքն ակնհայտ է», - հավելել է Զախարյանցը: Ըստ նրա՝ նոր խնդիրներ պետք է լուծեն նաեւ արտադրողները:
«Բնականաբար, նրանք պետք է հասնեն շահավետ պայմանների ոչ միայն արտասահմանյան, այլեւ հայկական մատակարարողներից: Սակայն շուկայական հարաբերություններում սա սովորական իրավիճակ է, զարմանալու բան չկա», - ասաց նա:
