Թուրքիայի Բուրսա նահանգի Քարաջաբեյի շրջանային ոստիկանապետը հարսանքավորների կողմից դաժան ծեծի է ենթարկվել։

Թուրքական Internethaber-ի փոխանցմամբ՝  Բուրսայի Քարաջաբեյի շրջանում տեղի ունեցած հարսանիքը իր աղմուկով անհանգստացրել է շրջակայքի բնակիչներին, որոնց բողոքի հիման վրա ժամանած ոստիկանությունը խնդրել է չաղմկել, քանի որ կեսգիշերն անց է եղել։  Այդ ընթացքում  ժամանել է նաեւ  շրջանային ոստիկանապետը, ով եւս պահանջել է դադարեցնել աղմուկը։  Հարսանեկան արարողությանը մասնակցող հյուրերից 5-6 հոգի վիճաբանության մեջ են մտել ոստիկանապետի հետ։ Վիճաբանության ընթացքում ոստիկանապետին դաժան ծեծի են ենթարկել եւ գլխին շիշ կոտրել։ Ոստիկանության աշխատակիցները մի կերպ կարողացել են փրկել ոստիկանապետին եւ տեղափոխել հիվանդանոց։