նախընտրելի դարձնելՍիդնեյում 2014թ. դեկտեմբերի 15-ին Lindt սրճարանի ազատագրման գործողության ընթացքում զոհված պատանդներից մեկին ոստիկանի արձակած գնդակն է դիպել։ Նոր Ուելսում բացվել են այդ գործով լսւմները։
Երեք երեխայի մայր Կատրինա Դոուսոնը (Katrina Dawson) հրազենային վեց վնասվածք էր ստացել։ Գնդակներից մեկը դիպել էր խոշոր արյունատար անոթին եւ մահաբեր եղել, փոխանցում է NBC News-ը։
Երկրորդ պատանդին՝ սրճարանի մենեջեր Թորի Ջոնսոնին, սպանել է ահաբեկիչը՝ ծոծրակին արձակված կրակոցով, հայտնում է Lenta.ru-ն։
«Առաջիկայում կճշտվի դեպքերի հերթականությունը, իսկ հետաքննությունը կձգտի որոշել՝ տեղին էր արդյոք ոստիկանության արձագանքը եւ հնարավո՞ր էր կանխել Դոուսոնի եւ Ջոնսոնի մահը», — հայտարարել է փաստաբան Ջերեմի Գորմլին (Jeremy Gormly), որը մասնակցում է գործընթացին։
Անցյալ տարվա դեկտեմբերի 15-ին ոմն Մեն Հերոն Մոնիս, որը հայտնի է նաեւ որպես «շեյխ Հարոն», գրավել էր Սիդնեյի կենտրոնի Lindt սրճարանը եւ պատանդ վերցրել 15 մարդու՝ տարբեր տարիքի կանանց եւ տղամարդկանց: 16 ժամ անց սրճարանը գրոհով վերցրել էին, որի ընթացքում Մոնիսը սպանվել էր, եւ զոհվել էին երկու պատանդներ: Ավելի ուշ պարզվել էր, որ սրճարանը գրաված մարդը հոգեկան հիվանդ է:
