Մալայզիայի Լանգվակի քաղաքի մոտ վթարի են ենթարկվել ինդոնեզական KT-1B երկու օդանավեր, հաղորդում է The Malaysian Insider-ը։

Միջադեպը տեղի է ունեցել ծովային եւ աէրոտիեզերական ցուցահանդեսի նախապատրաստական թռիչքների ժամանակ։

Օդանավերից մեկը բախվել է մյուս օդանավի պոչի հատվածին, որի հետեւանքով երկու օդանավերն էլ հրդեհվել են եւ ցած ընկել, հաղորդում է Gazeta-ն։

Օդաչուները հասցրել են կատապուլտվել, նրանց կյանքին վտանգ չի սպառնում։ Օդանավերի վթարի հետեւանքով այրվել են երկու շինություններ։