Ռուս քաղաքական գործիչ Բորիս Նեմցովի սպանության գործով մեղադրյալներին կստուգեն թմրանյութերի ապօրինի շրջանառության եւ օգտագործման գործում հնարավոր մեղադրանքի կապակցությամբ։  Այս մասին գրում է «Կոմերսանտ»-ը։

Նախօրեին Ինգուշեթիայի դատախազությունը հայտարարել էր, որ մեղադրյալ Զաուր Դադաեւը մարտի 5-ին ձերբակալվել է թմրանյութերի ապօրինի շրջանառության մեջ մասնակցության մեղադրանքով։ Ավելի ուշ, Դադաեւի խոսքով, նրան հանձնել են ԱԴԾ-ին, սակայն արդեն Նեմցովի սպանության գործով։

Բացի այդ, թերթի տվյալներով՝ բնակարանների ստուգման արդյունքում հայտնաբերվել է ինչ-որ սպիտակ փոշի։ Այս պահին դրանք ուղարկվել են քիմիական փորձաքննության։

Եթե փորձագետները հաստատեն մեղադրյալներից մեկի բնակարանում թմրանյութի առկայությունը, սպանության դրդապատճառները կփոխվեն։