նախընտրելի դարձնել
Սյունիքի մարզպետ Սուրիկ Խաչատրյանը պնդում է, որ իր որդին բանակում չի ծառայել ոչ թե հոգեկան խնդիրների, այլ երկու տարի առաջ իր տան մոտ հնչած կրակոցների գործում ներգրավված լինելու պատճառով: Այս մասին այսօր՝ օգոստոսի 6-ին, Կառավարության նիստից հետո լրագրողներին ասաց Սուրիկ Խաչատրյանը:
«Հիշում եք, որ երեք ամիս ձերբակալված էր, ցնցումների մեջ էր, դրանից քննությունը գնում էր, իրեն չէին կարա զորակոչեին: Իմ տղան ոչ մի հոգեկան խնդիր չունի: Ավարտվի դատաքննությունը՝ այս քննությունն էլ կգնա, ընթացքի մասին բոլորիս հայտնի կլինի»,- ասաց Սուրիկ Խաչատրյանը:
Սուրիկ Խաչատյանը չպատասխանեց լրագրողի հարցին՝ արդյոք ակնկալում է, որ իր որդին ազատ կարձակվի:
Հիշեցնենք, որ ՊՆ-ն հաստատել էր, որ Սուրիկ Խաչատրյանի որդին՝Տիգրան Խաչատրյանը, ով այժմ կալանավորված է Սդղի գյոլի գործով, բանակից 3 տարի ժամկետով տարկետում է ստացել՝ հոգեկան առողջության խնդիրների պատճառով:
