Թուրքիայի Էսքիշեհիր քաղաքի այգիներից մեկում 3 հոգու վրա հարձակված պիտբուլին հայտնաբերել են քաղաքապետարանի եւ ոստիկանության աշխատակիցները եւ  հանձնել կենդանիների համար նախատեսված կացարան։

Թուրքական Zaman-ի փոխանցմամբ՝  օգոստոսի 12-ին Էսքիշեհիրի այգիներից մեկում  պիտբուլը հարձակվել է 2 երեխայի վրա։ Երեխաներին փրկել ցանկացող հայրը եւս դարձել է պիտբուլի հարձակման զոհ՝ ստանալով վնասվածքներ։

Պիտբուլին գտնելուց եւ համապատասխան զննում կատարելուց հետո, անասնաբույժը նշել է, թե շան մոտ չի հայտնաբերվել կատաղության վարակ։

Ոստիկանությունը միջոցներ է ձեռնակում պիտբուլի տիրոջը հայտնաբերելու ուղղությամբ: